Sunday, April 22, 2018

ஜிகர்தண்டா / Jigarthanda

கோடைக்கேற்ற ஜில் ஜில் ஜிகர்தண்டா



இரண்டு பேருக்கு பரிமாற
தேவையான பொருட்கள்;-
ஊற வைத்த பாதாம் பிஸின் - அரை கப்
400 மில்லி பாலை சுண்டக்காய்ச்சவும் - ஒன்னரை கப்
நன்னாரி சர்பத் - 2 மேஜைக்கரண்டி
வெனிலா ஐஸ்கிரீம் - 2 ஸ்கூப்
ஊற வைத்து  பொடித்த நட்ஸ் வகைகள் - சிறிது

செய்முறை:-
பாதாம் பிசின் 3-4  துண்டு எடுத்து முதல் நாளே  ஊற வைக்கவும்.
 பாலை சுண்டக்காய்ச்சி ஆற வைக்கவும்.
ஒரு அழகிய கண்ணாடி டம்ளரில் பாதாம் பிசின், நன்னாரி சர்பத் , சுண்டக்காய்ச்சிய பால் விட்டு அதன் மேல் வெனிலா ஐஸ்கிரீம் வைக்கவும். விரும்பினால் பொடித்த நட்ஸ் தூவி அலங்கரித்து பரிமாறலாம்.
நட்ஸ் தூவ விரும்பாதவர்கள் இப்படி ப்லைனாகவும் பரிமாறி அசத்தலாம்.

இப்தார் பார்டிகளில் மொத்தமாக இப்படி தயார் செய்து வைத்து பரிமாறும் பொழுது ஐஸ்கிரீம் வைத்து நட்ஸ் தூவி பரிமாறலாம்.
ஜில் ஜில் ஜிகர்தண்டா தயார். செமையாக இருக்கும்.



Tuesday, April 3, 2018

வெங்காயத்தாள் பொரியல் / Spring Onion Stir Fry

இந்த வெங்காயத்தாள் ஈரோடு சங்ககிரியில் இருந்து பயணித்து இவ்வளவு ஃப்ரெஷாக அல் ஐன் வந்து சேர்ந்திருக்கு.ப்ரியமாக கொண்டு வந்து கொடுத்த திருமதி ப்ரியா மோகனுக்கு மிக்க நன்றி.என்னை அன்பா  அம்மான்னு கூப்பிடுவாங்க, அவங்களோட இரட்டையர்கள் என்னை இப்ப ஆயான்னு கூப்பிடுதுங்க. ஹா.ஹா.
 இனி எப்படி சுலபமாகஅதன் சத்தும் சுவையும் மணமும் மாறாமல் பொரியல் செய்தேன் பாருங்க.
தேவையான பொருட்கள்;-
பொடியாக நறுக்கிய வெங்காயத்தாள் - 2 -3 கப்
எண்ணெய் - 2 -3 தேக்கரண்டி
கடுகு,உளுத்தம் பருப்பு - தலா அரை தேக்கரண்டி
சீரகம் - அரை தேக்கரண்டி
கடலை பருப்பு - 1 மேஜைக்கரண்டி
மிளகாய் வற்றல் கிள்ளியது - 2
தேங்காய்த்துருவல் -3 -4 மேஜைக்கரண்டி
உப்பு - தேவைக்கு.
செய்முறை:-
பூ வந்த வெங்காயத்தாளை நன்கு அலசி எடுத்து பொடியாக நறுக்கிக் கொள்ளவும்.


 வாணலியில் எண்ணெய் விட்டு சூடானவுடன் தாளிக்க சொன்ன பொருட்கள் சேர்க்கவும்.
 பொரிந்தவுடன் வெங்காயத்தாள் சேர்த்து வதக்கவும்.
 சிறிது உப்பு சேர்க்கவும்.
 நன்றாக வதக்கவும்.நறுக்கென்று இருந்தால் சிறிது தண்ணீர் தெளித்து வதக்கலாம்.
தேங்காய்த்துருவல் சேர்த்து லேசாக பிரட்டவும்.
 அடுப்பை அணைக்கவும்.
சுவையான சத்தான வெங்காயத்தாள் பொரியல் தயார். சூடான சாதத்தில் பிரட்டியும் சாப்பிடலாம்,பொரியல் போல் பக்க உணவாகவும் பரிமாறலாம்.அப்படியே சாலட் போலும் சாப்பிடலாம்.

Saturday, March 24, 2018

மட்டன் முருங்கைக்காய் ஆணம் / Mutton drumstick salna

முருங்கைக்காயை, பருப்பில், சாம்பாரில்,புளிக்குழம்பில் பொதுவாக போட்டு செய்வோம், எங்க ஊரில் மட்டனில் தான் அதிகம் போட்டு சாப்பிட பிரியப்படுவாங்க.நீங்களும் இந்த முறையில் செய்து பாருங்க.
தேவையான பொருட்கள்:-
மட்டன் - அரைக்கிலோ
இஞ்சி பூண்டு விழுது - 2 -3 தேக்கரண்டி ( பாதி விரவ, பாதி வதக்க)
வீட்டு கறிமசாலாத்தூள் - 2 மேஜைக்கரண்டி
தயிர் - 2மேஜைக்கரண்டி
மிளகாய்த்தூள் -1/2 தேக்கரண்டி
கரம் மசாலா - கால் தேக்கரண்டி ( ஏலம் பட்டை கிராம்புத்தூள்)
சோம்பு சீரகத்தூள் - தலா கால் -அரை தேக்கரண்டி ( விரும்பினால் சேர்க்கவும்,மசாலாவில் இது இருக்கும்)
வெங்காயம் - 150 கிராம்
தக்காளி - 150 கிராம்
பச்சை மிளகாய் - 2
நறுக்கிய மல்லி இலை - சிறிது
முருங்கைக்காய் - 2
எண்ணெய் - 3-4 மேஜைக்கரண்டி
உப்பு - தேவைக்கு.
அரைக்க :-
தேங்காய்த்துருவல்  அரை கப்
முந்திரி பருப்பு - 5

செய்முறை:-
கறியை சுத்தம் செய்து நன்கு கழுவி தண்ணீர் வடித்து வைக்கவும். 
கறி மசாலா, இஞ்சி பூண்டு, தயிர் உப்பு சேர்த்து விரவி வைக்கவும். 
முருங்கைக்காய் நறுக்கி தயாராய் இருக்கட்டும். 

கறியை விரவி வைக்கவும்.
முருங்கைக்காயை சிறிது மசாலாத்தூள், தேவைக்கு தண்ணீர் சேர்த்து  வேக வைக்கவும்.
முருங்கைக்காய் வெந்த பின்பு அடுப்பை அணைக்கவும்.
வெங்காயம் தக்காளி நறுக்கி வைக்கவும்.
குக்கரில் எண்ணெய் விட்டு நறுக்கிய வெங்காயம் வதக்கி,இஞ்சி பூண்டு கரம் மசாலா சேர்க்கவும்.
நன்கு வதக்கவும்.
தக்காளி,மிளகாய், மல்லி இலை சேர்த்து உப்பும் சேர்த்து வதக்கவும்.
தேவைக்கு அரை தேக்கரண்டி மிளகாய்த்தூள், கால் தேக்கரண்டி சீரக் சோம்புத்தூள் சேர்க்கவும்.
நன்கு பிரட்டி வதக்கவும்.
ஊற வைத்த கறியைச் சேர்க்கவும்.
தேவைக்கு தண்ணீர் ஒரு கப் சேர்த்து மூடி 5 விசில் விட்டு மீடியம் நெருப்பில் வேக வைக்கவும்.
தேங்காய் முந்திரி அரைத்து தயாராய் வைக்கவும்.
வேக வைத்த முருங்கைக்காய் தயார்.
கறியும் வெந்து விட்டது.
வேக வைத்த முருங்கைக்காய் சேர்க்கவும்.
அரைத்த தேங்காய் சேர்க்கவும்.
நன்கு கொதி வரவும். சிம்மில் 5 நிமிடம் வைக்கவும்.நறுக்கிய மல்லி இலை சிறிது சேர்க்கவும். அடுப்பை அணைக்கவும்.
சுவையான மட்டன் முருங்கைக்காய் ஆணம் தயார்.
எங்க ஊரில் வெறுஞ்சோறு, கறியாணம், கத்திரிக்காய் ஆணம் ,சுருட்டு கறி என்பது பொதுவாக செய்யும் மெனு.