Sunday, November 19, 2017

காடை மிளகு ரோஸ்ட் / Quill pepper roast

தேவையான பொருட்கள் :-
சுத்தம் செய்த காடை - 6 எண்ணம்
காடையை அலச மஞ்சள் தூள் 1டீஸ்பூன்
நறுக்கிய பெரிய வெங்காயம் - 2
நறுக்கிய தக்காளி - 2
இஞ்சி பூண்டு பேஸ்ட் - 2 டீஸ்பூன்
கரம் மசாலா - அரை தேக்கரண்டி (ஏலம் பட்டை கிராம்புத்தூள்)
மிளகாய்த்தூள்  - 1 தேக்கரண்டி
மல்லித்தூள் - 2 தேக்கரண்டி
மஞ்சள் தூள் - அரை தேக்கரண்டி
உப்பு - தேவைக்கு.
லேசாக மணம் வர வறுத்து பொடித்துக் கொள்ள :-
மிளகு - 3 தேக்கரண்டி
சீரகம் - 1 தேக்கரண்டி
பெருஞ்சீரகம் - 1 தேக்கரண்டி
மேலும் காரம் விரும்பினால் ஃப்ரெஷாக மிளகு பொடித்து தூவவும்.
தாளிக்க மரச்செக்கு நல்லெண்ணெய் - 4 -6   மேஜைக்கரண்டி
சோம்பு,மிளகு தலா - ஒரு டீஸ்பூன்
மிளகாய் வற்றல் - 4
கருவேப்பிலை சிறிது
நறுக்கிய மல்லி இலை சிறிது.

செய்முறை:-

 காடையை தோல் நீக்கி நன்கு அலசிக் கொள்ளவும். ஆங்காங்கு கீறி விட்டுக் கொள்ளவும்.
 கடைசியாக ஒரு டீஸ்பூன் மஞ்சள் தூள் தண்ணீரில் போட்டு சிறிது ஊற விடவும்.
 தண்ணீர் வடித்து வைக்கவும்.
 கடாயில் நல்லெண்ணெய் விடவும். சூடானவுடன் முழு மிளகு,சோம்பு,கருவேப்பிலை, மிளகாய் வற்றல் சேர்க்கவும்.
 எல்லாம் பொரிந்ததும் நறுக்கிய வெங்காயம் சேர்த்து வதக்கவும்.
 பொன்னிறமானதும் இஞ்சி பூண்டு சேர்க்கவும்.
 நன்கு வாடை போக வதக்கவும்.
 தக்காளி சேர்க்கவும்.
 சிறிது உப்பு சேர்த்து வதங்க விடவும்.
 மசாலா வகைகள் சேர்த்து பிரட்டவும்.
 சிறிது தண்ணீர் சேர்த்து வேக விடவும்.

 எல்லாம் கூட்டு போல் ஆனவுடன் காடையச் சேர்க்கவும்.முழுதாகவோ பாதியாக நறுக்கியோ சேர்க்கலாம்.

 பிரட்டி விட்டு, மூடி போட்டு வேக விடவும்.

 வெந்ததும் உப்பு சரி பார்க்கவும். வறுத்து பொடித்ததைச் சேர்க்கவும்.
 நன்கு பிரட்டி சிறிது தண்ணீர் தெளித்து திரும்ப மூடி சிறிது எல்லாம் சேர்ந்து கொதிக்கட்டும்.

 திறந்து நறுக்கிய மல்லி இலை சேர்த்து பிரட்டவும்.கால் மணி நேரத்தில் தயார் ஆகிவிடும்.
 காரம் தேவைப்பட்டால் ஃப்ரெஷாக மிளகு பொடித்து மேலே தூவி பிரட்டி அடுப்பை அணைக்கவும்.
 சுவையான  காடை மிளகு ரோஸ்ட் தயார். செமையாக இருக்கும்.
எலும்பு கூட மெதுவாக இருக்கும்.
பக்க உணவாகப் பரிமாறலாம்.பிடித்திருந்தால் நீங்களும் செய்து பாருங்க.


Monday, October 16, 2017

மட்டன் கூட்டு கறி/ Mutton kuutu curry.( மொத்த சமையல்)

 இது அதிகமாகச் செய்த பொழுது கிளிக்கியது.அரைக்கிலோவிற்கு நான் செய்முறை சொல்கிறேன்.

தேவையான பொருட்கள்:-
மட்டன் அல்லது பீப் - அரைக்கிலோ
வீட்டு மசாலா - 1டீஸ்பூன்
மிளகாய்த்தூள் - 1-2 டீஸ்பூன்
ஏலம் பட்டை கிராம்புத்தூள் - கால் டீஸ்பூன்
வெங்காயம்& தக்காளி - தலா 100 கிராம்
பச்சை மிளகாய் -2
மல்லிஇலை - சிறிது
எண்ணெய் - 50 மில்லி
உப்பு - தேவைக்கு.
விரும்பினால் ஒரு சில்லு தேங்காய்,கசகசா ஒரு ஸ்பூன் சேர் அரைத்து சேர்க்கலாம்.
செய்முறை:-

கறியை சுத்தம் செய்து நன்கு அலசி தண்ணீர் வடித்து வைக்கவும்.

தேவையான பொருட்களை தயார் செய்யவும்.
கறியுடன் இஞ்சி பூண்டு பேஸ்ட்,மசாலாத்தூள், மிளகாய்த்தூள்,கரம் மசாலா,வெங்காயம்,தக்காளி,மிளகாய்,மல்லி இலை,உப்பு சேர்த்து விரவி குக்கரில் 5 விசில் வேகும் வரை வைத்து எடுக்கவும்.
வெந்த மட்டனில் தண்ணீர் ஊறி இருக்கும்.
அந்த தண்ணீரை ஒரு பாத்திரத்தில் எடுத்து வற்ற வைக்கவும்.
வற்றி வரும் பொழுது வெந்த கறியைச் சேர்க்கவும்.இப்படி செய்வதால் கறி உதிராது.
எல்லாம் ஒன்று சேர்ந்து கூட்டு போல் ஆகுவிடும்.மட்டன் கூட்டு ரெடி.
விரும்பினால் ஒரு சில்லு தேங்காய் ஒரு டீஸ்பூன் கசகசாவுடன் அரைத்து ஊற்றலாம்.காய்கறிச்சோறுக்கு( வெஜ் பிரியாணி) இந்த கூட்டு சூப்பர் காம்பினேஷன்.
சுவையான மட்டன் கூட்டு தயார்.இதனை பக்க உணவாக வெறுஞ்சோறு,தேங்காய்ச்சோறு,நெய் சோறு,பிரியாணி,காய்கறிச்சோறு இவற்றுடன் பரிமாறலாம்.

Monday, July 17, 2017

ப்ளூபெர்ரி மஃபின் / Blueberry Muffins

தேவையான பொருட்கள்;-
மைதா மாவு - 2 கப்
பேக்கிங் பவுடர் - 2 டீஸ்பூன்
சீனி - 1 கப் ( இனிப்பு குறைவாக வேண்டுமென்றால் முக்கால் கப்பாக எடுத்துக்  கொள்ளலாம்)
முட்டை - 2 
வெனிலா எசன்ஸ் - 2 டீஸ்பூன்
வெண்ணெய்- அரை கப்
பால் - அரை கப்
ஃப்ரெஷ் ப்ளூபெர்ரிஸ் - 1 கப்
இந்த அளவு 12 மஃபின் செய்ய போதுமானதாக இருக்கும்.

செய்முறை:-
மைதா மாவையும் பேக்கிங் பவுடரையும் சேர்த்து அரித்து வைக்கவும்.
ஒரு பவுலில் முட்டை, சீனி,வெண்ணெய் சேர்க்கவும்.

ஒரு பவுலில் முட்டை,வெனிலா எசன்ஸ்,  சீனி,வெண்ணெய் சேர்க்கவும்.
சீனி நன்கு கரையும் வரை நன்கு அடிக்கவும்.
அத்துடன் மாவைச் சேர்க்கவும்.அப்படியே மிக்ஸ் செய்யவும்.கெட்டியாக இருக்கும், பால் சேர்க்கவும்.மிக்ஸ் செய்யவும். மாவு ரொம்ப திக்காவும் இருக்கக் கூடாது, ஊற்றுவது போலும் இருக்கக் கூடாது.ஸ்கூப் கொண்டு எடுத்து வைப்பது போல் இருக்க வேண்டும்.
ப்ளூபெர்ரி சேர்த்து அப்படியே மெதுவாக பிரட்டவும்.

மஃபின் ட்ரேயில் பேப்பர் கப் அல்லது சிலிகான் கப்பில் பட்டர் தடவவும்.
தயார் செய்த மாவை ஸ்கூப் கொண்டு எடுத்து முக்கால் கப் அளவு வைக்கவும்.
எலக்ட்ரிக் ஓவனை 200 டிகிரி செல்சியஸ் முற்சூடு செய்யவும்.
மஃபின் ட்ரேயை உள்ளே வைத்து ஓவனை 20 நிமிடம் செட் செய்யவும்.
நன்கு பொங்கி வரும்.
டூத் பிக் கொண்டு குத்தி ஒட்டாமல் வந்தால் வெந்துவிட்டது. அதனை அப்படியே வெளியே எடுத்து ஆர வைக்கவும். அரை மணி நேரத்தில் ஆறி விடும்.
கப்பில் இருந்து கேக்கை எடுக்கவும்.
ஸ்பாஞ்ச் போன்ற ப்ளூபெர்ரி மஃபின் தயார்.




காலை,மாலை டீயுடன் சாப்பிட அருமையாக இருக்கும்.

பிடித்திருந்தால் நீங்களும் செய்து பாருங்க. எல்லாமே ஒரு குத்து மதிப்பாகத்தான் போட்டேன். செமையாக வந்தது.